Janire Hormak gidatzen ditu Elgetan zumba saioak, eta haren eskutik dator zumba maratoi berria. Egonkortu egin da dantza eta jarduera fisikoa uztartzen dituen ekintza hori praktikatzen duen taldea herrian, eta ikasleen laguntza ere badu Hormak ekimen honetan.
Iaz moduan bi orduko zumba maratoia iragarri dute antolatzaileek. Espaloia kafe antzokian egingo dute eta 10:00etan hasiko da. Izen-ematea zabalik da. Interesatuek hiru telefono zenbaki dituzte eskura: 680 68 28 83 (Eneritz), 666 71 20 73 (Janire) eta 615 74 68 89 (Maria Luisa).
Plaza kopuru mugatua da. Prezioari dagokionean zumba ikasleendako zortzi euro izango da. Gainerakoendako hamar euro.
