Futbolera gerturatzeko aukera Lehen Hezkuntzako neskendako

Jokin Bereziartua Lizarazu 2017ko api. 11a, 14:59

Aste Santuko opor garaia dela aprobetxatuta, neskendako futbol topaketa antolatu dute lehen aldiz Debagoienean. 8 eta 12 urte bitarteko neskendako bi entrenamendu saio izan dira Aretxabaletako Ibarra futbol zelaian. Antolatzaileak zein protagonistak gustura aritu dira askorendako baloiarekin lehen harremana izan diren saioetan. 

Lehen Hezkuntzako hirugarren mailatik hasi eta seigarren mailara arteko neskak elkartu dira atzo eta gaur Aretxabaletako Ibarra futbol zelaian, futbolaren bueltan. Zein den helburua? Honela azaldu du Realeko nesken futbol taldeko kirol arduradunak: "Aukera izan dezatela. Ez dezatela urruti ikusi futbolari izate hori; aukerak izan behar dituzte eta gure eginbeharra da aukera horiek ematea".

Bi entrenamendu saio egin dituzte, eta askorendako lehen harremana izan da futbolarekin. Kasu horietan Realeko arduradunek argi dute zein den eman beharreko lehen agindua: "Baloia da zuen lagunik onena orain bertan, ondo zaindu behar duzue. Horixe da gure abiapuntua". 

Erlazionatuak

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak