goiena.eus

Aurrealdean inork ez du amore ematen, UDAk ere irabazi egin du

  Kirola  Aretxabaleta  Debagoiena

Anaitasunaren, Hernaniren eta Mondraren garaipenen ostean Aretxabaleta irabaztera derrigortuta zegoen gaur, eta Mutrikuko taldearen aurrean Iñigo Velezen mutilek ez dute hutsik egin (2-0). 

Aurrealdean inork ez du amore ematen, UDAk ere irabazi egin du
Lehenengo goleko jokaldian, Arizmendiarrietak jaurtiketa egin duen unea. | Ikusi handiago | Argazki originala

Atzo talde lanean oinarrituta lortu zuen Mondrak balio handiko garaipena (1-0, Imanol), Zarautzek kontrario gogorra dela erakutsi zuelako. Eta gaur Aretxabaletak ere irabazi egin du, horrenbestez, Debagoieneko bi taldek jarraituko dute Ohorezko Erregional mailan lehenengo lau postuen barruan lehian.

Aretxabaletakoen lehenengo gola Josu Arizmendiarrietak egin du –argazkian– eta bigarrena Perezek lortu du, penaltiz (2-0). Hala, asteburuko emaitzen ostean Anaitasunak (57 puntu) lider izaten jarraitzen du, Hernani da bigarrena (51), Aretxabaleta hirugarrena (48) eta Mondra laugarrena (46). Eta, zortzi jardunaldi geratzen dira aurretik. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa