Autobus batek su hartu du autobidean

Autobus batek su hartu du AP-1 autobidean, Arrasaten, Epeleko ordainlekutik gertu, Bergaratik Arrasaterako noranzkoan. Motorrak hartu du sua, atzeko aldean, matxura baten ondorioz. 13:20ean gertatu da. Autobusean ez zihoan bidaiaririk, gidaria bakarrik zihoan eta berau ohartu da matxuraz, kamino bazterrean geratuz. Bergarako hegoaldearen eta Arrasateren artean, Gasteizeko noranzkoan itxita egon da autobidea. Suhiltzaileak berehala gerturatu dira eta sua amatatu egin dute. Autobusa -atzerrikoa. portugaldarra- kiskalita geratu da, bide ertzean.