goiena.eus

Mondragon Team Academy sareak MentorHonoris saria jaso du Madrilen

  Hezkuntza  Debagoiena  Oñati

AMCES elkarteak eman ditu lehen aldiz MentorHonoris sariak Madrilen izan den Espainiako lehen mentoring kongresuan eta 15 pertsona eta erakunderen artean Mondragon Team Academy nazioarteko sarea saritua izan da.

Mondragon Team Academy sareak MentorHonoris saria jaso du Madrilen
TeamLabseko Felix Lozanok jaso zuen saria | Ikusi handiago | Argazki originala

Mila pertsonatik gora dira Mondragon Team Academy (MTA) sarea osatzen dutenak, hainbat proiektu ezberdinetan parte hartuz. Tartean, Mondragon Unibertsitateak eskaintzen duen Lidergoa, Ekintzailetza eta Berrikuntza Graduan parte hartzen dutenak ere. MentorHonoris saria ekintzailetza bultzatzen egindako esfortzuagatik eman diote, batez ere aholkularitza prozesuak barneratzearren egindako esfortzuagatik. MTA gaur egun zortzi lekutan kokatuta dago: Irun, Oñati eta Bilbon Mondragon Unibertsitateak kudeatuta; Madrid eta Barcelonan TeamLabsek; Valencian Florida Universitariak; Queretaron Universidad Mondragon Méxicok; eta Shanghaien MTA Chinak kudeatuta.

AMCES Espainiako Mentoring Elkarteak antolatu du kongresua, 800 partaidetik gora ditu elkarteak eta era honetako Europako elkarterik handiena da. Kongresua otsailaren 27an Madrilgo Caixa Forum auditorioan ospatu da eta enpresa ekosistema batean aholkularien irudia nabarmentzea eta bere garrantzia aitortzea du helburutzat. Bertan, ekintzaileek, enpresa azeleratzaileak eta business angel-ak parte hartzeko aukera izan dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa