goiena.eus

Euskal ekonomiak %2,9ko hazkundearekin bukatu zuen urtea

  Ekonomia  Debagoiena

EAEren ekonomia %2,9 hazi da 2016 bukaeran, aurreko urtean baino %0,2 gehiago, Eustatek eman duen datu aurreratuaren arabera.

Datu horrek ez du kontuan hartzen urtaroen eta egutegiaren eragina. 2016ko azken hiruhilekoari dagokio, eta aurreko hiruhilekoa baino %0,6 handiagoa da datua.

Eskaintzaren ikuspegitik, 2016ko laugarren hiruhilekoan 2015ko epe berean baino gehiago hazi da ekonomia, izan ere, zerbitzuek jokaera hobea izan dute eta industriaren hazkunde-erritmoari eutsi zaio, Eustaten arabera.

Enplegua, dedikazio osoko baliokidetzako lanpostuetan, %1,9 handitu da aurreko urteko hiruhileko beraren aldean. Hiruhileko artean %0,8ko hazkundea izan du.

2016 osoan, BPGren lehen zenbatespena %3,1eko hazkundea da; 2015ean baino bi hamarren gehiago. Industria eta zerbitzuetako hazkundeak batez bestekoaren inguruan; lehen sektorean eta eraikuntzan apalago. Eraikuntzan bigarren hazkundea jarraian, zazpi urtez negatiboan ibili ondoren.

Enplegua, dedikazio osoko baliokidetzako lanpostuetan, %1,9 gehitu zen 2016an.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa