Kasu berri horren aurrean Mendizabalen aurkako "neurri gehiago" hartu ditu. Monasterio batean ixteko agindu duela jakinarazi du, eta adingabeekin harremanak izatea ere galarazi dio.
2001 eta 2005eko kasuei dagokienez salatzaileek eurek diskrezioa eskatu ziotelako ez dutela publiko egin aurretik adierazi du. Eta "Eliz zuzenbidearen balioa" defenditu du delituen iraungitzea luzeagoa dela esanaz, eta, kasu batzuetan, iraungitzerik ez dutela delituek. "Barkamena" eskatu du Elizaren izenean, baita "justizia" izango dela esan ere.
