goiena.eus

Juan Kruz Mendizabal pederastiaz eta beste zenbait gairi buruz gaurko 'Puntua'-n

 Bergara  Debagoiena

Goienak elkarrizketa zabala egin zion Gabonen atarian Juan Kruz Mendizabali eta asteon kaleratu den Puntua-n, bikario ohiak elkarrizketa hartan esandakoak jaso dira erreportaje baten. Pederastiaz, homosexualitateaz, bikariotza lagatzeko arrazoiez... Aurrerapen bat segidan:

Juan Kruz Mendizabal pederastiaz eta beste zenbait gairi buruz gaurko 'Puntua'-n
Bihar kaleratuko den ´Puntua'-ren azala. | Ikusi handiago | Argazki originala

Hauxe, besteak beste, Mendizabalek pederastiaz dioena:

"Nik uste dut gai hori gainetik pasatu dela. Esan gura dut Elizak ez duela behar bezala abordatu, zaurituekin eta minduta daudenekin elkarrizketan... Ez dakit Euskal Herrian, guk horrelakoak ez baititugu ezagutzen, baina Ameriketako Estatu Batuetan saiatu ziren arazoa diruz konpontzen. Eta ondorioa izan da ez dela ezer konpondu eta, gainera, Eliza diru barik gelditu dela. Maila horretan babesa eman behar zaie familiei eta hurbiltasuna arazo barik eskaini. Gaur egun Eliza eta epaileak bat eginda daude eta ez dago zirrikiturik elkarri laguntzeko”. 

Erantzunak

Erabiltzailearen aurpegia Erantzuna | #1

Egun on,
Aste honetako 'Puntua'ren harira, kritika bat egin nahiko notsuen:
Sexu-abusuen inguruko gira-buelta honetan pertsona honi holako protagonismoa ematia, eta primizian elkarrizketa bat portadan jartzia, nahiko kezkagarrixa iruditzen jat. Hedabide batek, holako gertaera delikatuak tratatzerako orduan, tentuz jokatu beharko leukiela uste dot. Holako kasu baten aurrian, bailaran interes berezixa piztu arren... erasotzaileari ahotsik ez ematia, oinarrizkoa iruditzen jat. Gaiari ez jako eman trataera egokixa, nere ustez.
Momentu honetan (morbotik haratago), pertsona honek pederastiaz eta sexu abusuez pentsatzen dabena da prentsan agertu behar dana? Argitaratzerako orduan, erabaki zaila izango zan, seguro, baina hanka-sartze nahiko inportantia iruditzen jat.
Kontutan eukiko dozuelakuan....
Ondo izan

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa