Eguerdian iritsi da Kilometroak festaren lekukoa Bergaratik Oñatira. Aurten alboko herrian izan ondoren, 2017an Oñatin izango da Kilometroak, eta lekukoa herrira ekarriz ekitaldi sinbolikoa egin dute gaur. Bideo bat grabatzeko ere aprobetxatu dute. Jende asko batu da Foruen plazan eta Kale Zaharrean, lekukoari harrera egiteko.
Txantxiku ikastolak antolatuko du datorren urtean Gipuzkoako ikastolen festa –1989an bezala–, eta egun hartarako 11 hilabete pasatxoren faltan, motorrak berotzen ari dira dagoeneko.
Hainbat belaunalditako lagunak batu dira gaurko ekitaldian, asko Txantxiku ikastolako kamiseta soinean zutela.
Bergararrengandik lekukoa jaso, eta Elorregitik herriko plazara ekarri dute bizikletaz, taldetxo batek. Azken metroetan harrera beroa egin diete.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
