Urola-Erdia izan ezik, Mankomunitate berri guztiak dagoeneko eratuta daudenez gero, atzo arratsaldean eratu zen Gipuzkoako Hondakinen Kontsortzio berria, azken Udal eta Foru hauteskundeetako emaitzetatik eratorria. Jose Ignacio Asensio (PSE-EE, Ingurumen diputatua) izango da Partzuergoko presidentea eta Aitor Aldasoro (EAJ, Beasaingo alkate eta Sasietako Mankomunitateko presidentea) presidenteordea.
Era berean, GHK-ren Batzar Nagusia ere eratuta geratu da eta Administrazio Kontseilu berria aukeratu dute. Hori dela eta, orain arte eta aurreko agintaldian erakundeko presidente izan zen Ainhoa Intxaurrandieta (Bildu) Kontseilutik kanpo geratu da.
Jose Ignacio Asensio Ingurumeneko Diputatuak azaldu duenez, talde berria udal eta foru hauteskundeetan lortutako gehiengoaren ondorio da eta Gipuzkoako Foru Aldundiak burututako eta "Batzar Nagusiek onartutako Plan Estrategikoan hondakinen inguruan hartutako konpromisoak betetzea" du helburu.
Horrez gain, behin betiko irtenbidea eman beharko dio hondakinen kudeaketari. "Bilduren Foru Gobernuak eragindako egoera kaotikoari" irtenbidea emango diotela adierazi dute Hondakinen Kontsortzioko buru berriek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak