Lehia hasi eta berehala –erlojuak 4. minutua erakusten zuen– Aretxabaletako atezain Iker Agirregabiriak pase konprometitua jaso, nahi moduko kontrola egin ez eta aldaratzea Txonanek jaso zuen. Area kanpoan zegoen Txonan, eta birritan pentsatu barik jaurti zuen. Baita ondo bota ere, zutoinean jo eta barrura (1-0).
Lehen zati motela
Gol horrek ez zituen gauzak askorik aldatu, joko trabatua izan zen lehenengo zatikoa. 22. minutuan izan zuen Aretxabaletak aldea txikitzeko aukera ona, baina atera egindako errematea Del Pozok atera zuen buruz, marra gainetik. Eta, lehenengo zatia amaitzear zela Aitor Perezen arraseko jaurtiketa bati erantzun ona eman zion Ruiz de Azua atezainak.
Bigarrenean UDA hobeto
Lehenengo zatian ez zen larregi azaldu, baina Aretxabaletako jokalari Piruri ezin zaio oparirik egin, eta bigarrea hasteaz batera Arrasateko defentsakoek utzitako zuloa ondo aprobetxatu zuen Aretxabaletako 8ak. Lastima Mondrakoendako, ordura arte serio zebiltzalako atzean. Etxekoak urduri jarri ziren orduan, eta halako beste jokaldi batean aurrealdean min egin zuen Iker Sanchezek aurreratu zuen Aretxabaleta (1-2). UDAk talde indartsua du, baina Mondrari, hasiberritan ere, baikor izateko detaileak ikusi zitzaizkion. Hasi da liga.