Biltzarrak helburu dauka merkataritzako enpresa-buruei transmititzea garai berriek ere, kontsumitzaileek estimatzen dituzten balio berriei lotuta, aprobetxatu beharreko aukera berriak ekar ditzaketela.
Euskal merkataritzak partaidetza handia izango du biltzarrean, eta hainbat sektore izango dira ordezkatuta: merkataritza-elkarteak eta federazioak, garapen-agentziak, merkataritza-teknikariak eta abar.
Kontsumitzaile berriaren balioak
Hiru gai-sail jorratuko dira, elkarren osagarriak, baina hiru helbururekin.
Lehenengo gai-sailean inguruneko aldaketei egokitzeko gakoak azalduko dira, baina beti ere "optimismo adimendunaren ikuspegitik", antolatzaileen esanetan.
Bigarrenez, Euskadiko bezero berriaren erradiografia egingo da, kontsumitzailearen balio eta lehentasun berriak jasoz, merkataritzak kontuan hartu behar dituenak, bai eta erosteko motibazioak eta jokabideak ere.
Interneteko izen onari buruz ere hitz egingo da: nola ezagutu eta kontrolatu sarean norberaren enpresari buruz esaten dena, informazioa nola bilakatu ezaguera eta nola salmentak handitu.
Eta azkenik, arratsaldeko saioan, nazioartean eta Euskadin bezero berrien eskakizunetara egokitu diren negozioen kontzeptu berriak ezagutaraziko dira. Hizlarien artean honako hauek izango dira: Luis Galindo, Javier Valencia, María Callis, Aitor Vallejo, Lourdes Aedo edo Nikole Bayo.