Arlaban
Barazar eta Arlaban dira Euskal Herrian itxita jaraitzen duten mendateak Izotz handia dagoela esan digute Herrizaingo Sailetik eta autoak kateekin bakarrik ibili daitezke.
Elgeta
Kamioiendako eta autobusendako itxita dago bidea. Gaur eskola umeek ere jai dute autobusa ez delako pasa. Autoak kateekin ibili behar direla diote Ertzaintzatik. Elgetako Udalean zabalik dagoela adierazi digute, nahiz eta kontuz ibiltzeko eskatu.
Udana, Gorla eta Kurtzeta
Itxita daude kamioi eta ibilgailu handiendako. Autoak ibili daitezke, baina kateak gomendatzen dira.
Gatzaga
Arlaban zabalik badago ere Gatzaga itxita dago bai auto eta bai kamioiendako.
Errepide nagusia hobeto, herriak zuri
Istripurik ez da izan Debagoienean, baina poliki eta kontuz ibiltzea gomendatzen da. Izotz plakak daude eta gatza botatzen dihardutela adierazi dute Herrizaingo Sailetik. Elurrik ez, momentuz, baina kale eta mendiak zuri-zuri. Badirudi errepide nagusia txukuntzen doala, hala ere, herri txikietako zenbait bide eta herriko kaleak daude txartoen. Oinezkoei ere eskatzen zaie harreta berezia izotza egin du-eta. Elgetan, esaterako, -1 gradu bakarra markatzen du oraintxe termometroak.