MCCko egoitza nagusian taldeko zuzendari gehienak elkartu dira gaur eguerdian. Iazko datuen berri emateko prentsaurrekoa eskaini dute MCCko buruek. Hori bai, 2003. urteko datuak ematen hasi aurretik, Jesus Cataniak Jesus Larrañaga izan du gogoan.
Gero, 2003ko datuen berri ematen hasi da. MCCko kontseilu orokorreko lehendakariak adierazi du, ezegonkorra izan zela aurreko urtea, eta hala ere MCCk datu nahiko onak lortu zituela.
Korporazioaren finkatze emaitzak 411 milioi eurora iritsi ziren, aurreko urtearekin alderatuz ehuneko 11 igo zen. Talde finantzieroak oso ekitaldi positiboa izan zuen, eta talde industrialean salmentak ehuneko 8 igo ziren.
MCCk sortutako lanari erreparatzen badiogu, arlo horretan ere nahikoa urte ona izan da. 1.702 lanpostu sortu ditu eta dagoeneko 68.260 langile ditu MCCk.
Datozen lau urteotan nahi dituzte 17 lantoki ireki Txinan, Europa ekialdean eta Mexikon
Etorkizunari begira nazioarteko proiektua sendotu nahi du MCCk. 2008. urtera arteko iragarpenetan, nazioarteko kanpo produkzioa bikoiztu nahi dute, eta kanpoan 17 enpresa berri ireki nahi dituzte. Batez ere, Txinan, Mexikon eta Europa ekitaldean. Zentzu horretan, datozen urteetan ahalegin berezia egingo dutela aurreratu du Jesus Cataniak. .