Orain, astelehenetan ere bai
Orain arte, euskara elkarteek eta Goienak egubakoitzero-egubakoitzero eraman dizugu herriko eta bailarako berri, etxera, doan.
Hemendik aurrera beste egun batean ere eraman nahi dizugu, kopuru txiki bat ordainduta. Astelehenero zurekin egon nahi dugu: zuri zerbitzu hobea emateko eta euskarazko prentsa indartzeko.
Asteleheneko Goienkaria 2004. urteko otsailaren hasieran kaleratuko da lehenengoz eta urte osoan zehar kaleratuko da. Diseinu berri, erakargarri, ikusgarri eta modernoa izango du.
Zer eskaintzen dizu Asteleheneko Goienkariak?
- Gure eskualdean asteburuan gertatutakoaren informazioa inork baino lehen eta inork baino sakonago.
- Astean zehar albiste izango denaren aurrerapena eta hitzorduen berri.
- Gure enpresen gaineko informazioa.
- Zure herriko kirol taldeen kronikak, emaitzak, sailkapenak
- Ume eta gaztetxoen Eskola Kirolaren gaineko informazioa.
- Asteburuko kirol ekitaldiekin egindako argazki-bilduma.
- Gure kirol talde nagusiak (Reala, Athletic ) Debagoienetik ikusita.
- Debagoienean antolatzen diren kultur ekitaldien kronikak.
- Zerbitzu-informazioa: asteburuan jaiotakoen argazkiak, zorion agurrak, eskelak, intereseko telefonoak, lan poltsa, inmobiliariak
- Lehiaketak, denbora-pasak