Bergarako Irabazirendako, etxebizitzaren arazoa konpontzeko, gobernuak, herritarrek duten etxebizitzarako eskubide subjektiboa onartzea "ezinbestekoa" da: "Azken bi hamarkadatan etxebizitza gehiegi eraiki dira Bergaran eta oso gutxi bideratu dira alokairu sozialera. Momentu honetan Bergaran, alokairua garestia dago. Ondorioz, herritarrek alokairurako aukera garestia dela ikusita irtenbide bakar bezala etxe baten erosketa ikusten dute. Egoera horrek, herritarrak entitate finantzariekin urte askotarako lotzen ditu, herriko ekonomia mantsotuz".
Bizigune programak, konponbiderik ez
Era berean, Irabaziren ustez Eusko Jaurlaritzako Bizigune programa ere ez da konponbidea izaten ari. "Gaurko errealitate honek, eskumako indar politikoek, entitate finantzari eta etxe eraikitzaileekin urte askotan isilean egindako estrategia kapitalista begi bistan uzten du. Irabazik, ezinbestekoa ikusten du, epe ertainera, etxebizitzen portzentaje handi bat jabetza publikokoa izatea".