Zapatu honetan, hilak 10, ireki eta irailaren 15era arte egongo dira zabalik Agorrosingo kanpoko igerilekuak. Honako hau izango da ordutegia: ekaineko, uztaileko eta iraileko astegunetan 07:00etatik 22:00etara, eta ekaineko, uztaileko eta iraileko asteburutan zein jaiegunetan eta abuztu osoan, berriz, 09:00etatik 21:00etara.
Igerilekuko putzuak 187 lagunendako lekua du eta kopuru hori gaindituz gero, sorosleek protokoloa jarraituko dute erabiltzaileen txandatzea bermatzeko. Gainera, sorosleen esanak eta arautegia errespetatzeko deia egin dute arduradunek.
Liburutegi zerbitzua aurten ere
Era berean, azken urteetako ohiturari eutsiz, ekainaren 26tik uztailaren 21era liburutegi zerbitzua eskainiko da Agorrosingo berdegunean, 15:00etatik 18:00etara. Bertan, erabiltzaile guztiek, liburuak maileguan jasotzeko aukera izango dute: "Maileguak, erreserbak eta eskaerak bideratzeko gune egokia izango da irakurzaletasuna lantzeko".
