goiena.eus

Bergarako Bandaren bidai pedagogikoa

  Kultura  Bergara

Bergarako Udal Bandak pilotalekua auditorio didaktiko bihurtu du. Igor Larrañagak gidatu du kontzertu pedagogikoa, eta saioa, 5 eta 9 urte bitarteko umeei zuzenduta egon da. Txikiek, instrumentuak gertutik ikusteaz gain, horiek probatzeko aukera ere izan dute.

Bergarako Bandaren bidai pedagogikoa
Gaztetxoek kantxa bertatik jarraitu dute kontzertua. | Ikusi handiago | Argazki originala

Domekakoa ez da kontzertu arrunt bat izan, musikarekin batera, gaztetxoak izan baitira bertako protagonista. Bergarako Musika eskolarekin elkarlanean antolatu duten emanaldia herriko musikari txikiei zuzenduta egon da. Hauek, musikaz gozatzeaz gain, Igor Larrañagaren eskutik, instrumentuei buruzko azalpenak jaso dituzte.

Oso kontzertu arina izan da, eta Bandak, errepertorio ezaguna aukeratu du. Gainera, emanaldia interesgarriagoa izan zedin, musikariek bidai moduko bat proposatu diete entzuleei. Partitura bakoitza herrialde batekoa izan da, eta honela, bergararrak ia mundu osotik bidaiatzeko aukera izan dute.

Nomada izaera hori indartzeko gainera, musikariek, abesti bakoitzeko herriaren elementuren batekin mozorrotu dira. Azkeneko obran, musika eskolako haurrek banda barrutik entzuteko aukera izan zuten; bandako joleen ondoan eseri dira.

Bis mugitua

Programak azken abestia When the saints go marching in izango zela zekarren arren, bandak Errioxara kalejira jo du. Une horretan, kantxan eta musikarien ondo zeuden haurrak jaiki, eta kalejira hori dantzatuz amaitu da emanaldia.

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa