goiena.eus

Aurtengo Aratusteetako kartel lehiaketa martxan da Bergaran

  Kultura  Bergara

Lehiaketan parte hartzea nahi duten bergararrek urtarrilaren 23a arte aurkeztu ditzakete beraien kartelak Bergarako Udaletxean.

 Bergarako Udalak lehiaketan parte hartzeko onderengo oinarriak argitaratu ditu:

  1. Lehiaketa honetan Bergaran bizi edo erroldatutako edozein pertsonak har dezake parte.
  2. Diseinuen kartelak, kolore eta teknika libreaz, 40x60 zm-tako kartoizko oinarri baten gainean aurkeztuko dira, eta formatu bertikalean. Era berean, informatika CD batean ere aurkeztu beharko da diseinua.
  3. Kartelek ondorengo testua eraman beharko dute nahitaez: ARATUSTEAK 2017, BERGARA
  4. Lehiaketa honetara aurkeztutako lanak orijinalak izango dira, egileak berak sortuak, argitaratu gabeak eta beste lehiaketa batean inoiz aurkeztu gabeak. Bergarako Udalak plagioa egon denaren zantzurik ikusten badu, sortutako kalteen aurrean kalte-ordainak eskatu ahal izango dizkio plagioaren egileari.
  5. Lehiaketako irabazleak 350 euroko balioa duten bonoak eskuratuko ditu, Bergarako komertzio guneetan trukatzeko. Saria eman gabe ere geldi daiteke, epaimahaikoek gutxieneko kalitaterik ez dagoela uste badute.
  6. Udalak egoki ikusiz gero, aurkeztutako kartel guztiekin erakusketa antolatu ahal izango du.
  7. Kartelek ez dute egilearen nortasuna agerian utz dezakeen ezer edukiko. Atzealdean lelo bat dutela aurkeztuko dira kartelak. Gutunazal itxi batean, leloa kanpoan eta egilearen datuak barruan jarriko dira. Era berean, gutunazal itxi horretan ondorengo dokumentua ere sinatu beharko du kartelaren egileak: Nik, (egilearen izen-abizenak) eta NAN zenbakia (zenbakia) dudanak, zin egiten dut kartel lehiaketa honetara aurkeztutako lana originala dela, eta beste lehiaketaren batera inoiz aurkeztu gabea (egilearen sinadura).
  8. Kartelak Bergarako Udaletxeko Kultura Zerbitzuan (udaletxeko 3.solairuan) aurkeztuko dira, urtarrilaren 23ko 13:00ak baino lehen.
  9. Epaia jakitera ematen den egunean jakinaraziko da epaimahaia nortzuk osatu duten. Hala ere, herritarrek ere izango dute bozkatzeko aukera http://www.bergara.eus helbidean. herritarrek emandako bozkek %40 balioa izango dute. Herritarrek urtarrilaren 24tik 29ra bitartean bozkatu ahal izango dute.
  10. Epaimahaiko kideek hartutako erabakia aldaezina izango da.
  11. Saritu gabe gertatu diren lanak, erakusketa egiten bada, erakusketaren azkeneko egunetik hasi eta hogeita hamar eguneko epean jaso ahal izango dira. Epea amaitu ondoren egileek jaso ez badituzte, pentsatuko da ez dituztela aintzakotzat hartzen, eta Udala horietaz libreki baliatu ahal izango da. Era berean, ez da erreklamazio edo indemnizazio eskubiderik onartuko.
  12. Saritutako lanaz Bergarako Udala jabetuko da, eta argitaratzeko, eraldatzeko, zabaltzeko eta abarrerako eskubidea izango du.
  13. Lehiaketa honetan parte hartzeak berarekin dakar oinarri hauek onartzea.

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa