"Ekimen jendetsua, bizia eta erakargarria izatea espero dugu. Presoen etxeratzearen aldeko sua piztuko dugu abenduaren 23an, ea su horrek senideak goxo-goxo berotzen dituen eta sua piztuta mantentzen dugun preso guztiak etxeratu arte", gaineratu dute.
Oraindik kartzelan direnen askatasuna eskatzeko "euskal preso politiko eta errepresaliatu" ohiek sortutako dinamikak Usurbilen jarri duten Kalera Gunera joateko deia ere egin die bergararrei, eta, aldi berean, abenduaren 31n Bergaran egingo den flashmob-ean parte hartzera animatu ditu herritar guztiak.
