Piriniotan ibili dira Bergarako mendizale taldeko beteranoak azkenengo irteeran. Hurrengo txangoa urriaren 7, 8 eta 9an izango da, Madrileko mendietara, Navacerrada eta Ayllongo mendizerrara. Gazte taldearen hurrengo irteera, berriz, irailaren 25ean izango da.
Gazte taldekoek ere honezkero finkatuta daukate hurrengo hitzordua. Irailaren 25ean izango da, domeka, eta Kanpazar-Besaide-Tellamendi-Anboto-Urkiola ibilbidea burutuko dute.
18 kilometroko ibilbidea izango da, zazpi ordu inguru iraungo dituelarik. Hala, egun guztiko irteera izango da.
Irteera 08:30ean izango da Pesako autobus geltokian. Izen ematea Pol Polen bulegoan egin daiteke, 10 euro ordainduta.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.