Oxirondo plazan jartzen den odolosteen txosna ustiatzeko baldintzak kaleratu berri dituzte. Bergarakoak izan eta irabazi asmorik ez duten kultura edo kirol elkarteek, herri-taldeek eta ongintzako elkarteek aurkez ditzakete eskaerak, eta lehentasuna izango dute kultura, kirola, hezkuntza edo irakaskuntza eta ongintza helburu dituzten herriko taldeek. Eskaera aurkezteko epea irailan 6an, 12:00etan bukatuko da.
Ustiaketaren adjudikazioa zozketa bidez egingo da, irailaren 6an eguerdiko 13:30ean udaletxeko lehen solairuan.
Eskaera aurkeztu dutenen artean egingo da zozketa; eta lehentasuna izango dute aurkeztutako taldeen artean kultura , kirola, hezkuntza edo irakaskuntza eta ongintza helburu dituzten herriko taldeek.
2015. eta 2016. urteetan Erramu Zapatuan eta 2014. eta 2015. urteetan San Martin ferian txosnaren adjudikazio-hartzaile izan zirenak itxarote-zerrendara pasatuko dira.
Baldintzak eta informazio gehiago: www.bergara.net
