Ezker abertzaleak bidalitako oharrak dio "30 urte luze Euskal Herriaren alde borroka egiteagatik" izan dela etxera bueltatu ezinik zigortua Julian Tena: "Bera bezala, bere familia eta lagunak gogorki zigortuak izan direla salatu nahi dugu, bizimodu duina izatea ukatu diotelarik, oinarrizko giza eskubideak ere gogorki zapalduz".
Ostiralekoa ospakizun eguna bai baina aldarrikapenerakoa ere izango dela dio oharrak: "Konponbidean, preso eta iheslari guztiak etxean izan behar direlako, Gaztelu etxean nahi eta behar dugulako".
