Bergarako Agorrosin Ekintza Gunean eskaintzen diren yoga saioetarako beste deialdi bat ireki dute. Ikasturte hasieran bost saio eman zituzten, baina soilik hiru talde osatu zituzten. Orain, ordea, pixkanaka pixkanaka jendea hurbiltzen hasi da berriro ere ordutegiei buruz galdezka, eta hori horrela, interesgarria iruditu zaie berriz ere deialdia egitea taldeak osatzeko.
Bigarren deialdi honetan izena emateko epea azaroaren 5ean hasiko da, eta 16an bukatu. Gainera, yoga ezagutzen ez duten herritarrentzat doako saio ireki bat antolatu dute, azaroaren 12rako, 18:30ean.
Ordutegiak
Astelehena- Asteazkena, 16:00etan, hiru plaza libre daude.
Asteartea- Osteguna, 10:30ean. Plaza guztiak libre daude.
Asteartea- Osteguna, 20:00etan. Plaza guztiak libre daude.
Prezioak
Erroldatu abonatuek: 16,25 euro / hilean.
Erroldatu ez abonatuek: 24,50 euro / hilean.
Ez erroldatu abonatuek: 35,76 euro/ hilean.
Ez erroldatu ez abonatuek: 53,75 euro / hilean.