Jon Gurrutxaga
Blues eta rock erritmoak odolean daramatza. Txikitatik bizi izan du musika. Entzule bezala, lehenik, eta kantari eta bateria-jotzaile moduan, ondoren. Musika zaletasunak irratira eraman zuen eta irratiari dion maitasunak, kazetaritzara. Arima Beltzarenak egin zuen eta Jon & Sugramas taldearekin aritu ondoren, bakarlari moduan etorriko da Bergarako kartzela zaharrera.
Giranice
Eremu oso ezberdinetan ibilitako musikariak bildu dira proiektu berri honetan. Kanta berean erritmo eta matiz aldaketa bortitz zein leunak uztartzen dituzte melodia batek gidaturik. Mezu baten ordez, egoera bat transmititzeko helburuarekin egiten dute iturri oso desberdinetatik edaten duen musika instrumentala.
Honetarako, rockean oinarritzen diren gitarren gainetik bibolin batek gidatzen du kantaren ildoa. Beraiengan ohikoa izan ez arren, erronka onartu eta formatu akustikoan ariko dira edizio honetako bitxikerietako bat izanik.
Egubakoitzak kartzelan III:
Maiatzak 04: Anari eta Joseba Irazoki
Maiatzak 11: Estankona eta Bertso-tavern
Maiatzak 18: Jon Gurrutxaga eta Giranice
Ekainak 01: Igor Arzuaga & Luis Vil eta Markos Untzeta