Lau segundora, Oskar Santamaria Gerardo de La Calle taldekoa eta Aitor Rey Asfaltos Olarra taldekoa sartu ziren (2:04:33). Hirurek osatu zuten Osintxuko podiuma.
Emakume azkarrena
Emakume azkarrenaren saria Debabarrena taldeko Ane Santestebanek jaso zuen: 2:06:16.
Etxeko onena, Lizarralde
Debagoiendarren artean Lokatza taldeko Eneko Lizarralde izan zen azkarrena. Gainera, bergarar onenaren saria jaso zuen. Lizarralde zortzigarren sailkatu zen, 2:04:52ko denbora eginda. Lokatza taldeko Orobengoa eta Gallastegi izan ziren hurrengo debagoiendarrak.
Aloña Mendiko txirrindulariei dagokienez, Aitor Umerez izan zen onena. Umerez 27. tokian sailkatu zen, eta egin zuen denbora izan zen: 2:06:16. Arabaolaza eta Mugartza izan ziren Aloñako hurrengo sailkatuak.
Taldekako sailkapena
Egubakoitzeko GOIENA paperean aurreratu bezala, Gerardo de La Calle Burgosko taldea indartsu etorri zen Osintxura. Hala, taldekako sailkapena eurendako izan zen. 6:13:50ko denbora egin zuten. Bergarako Lokatza Sumofic taldea bosgarren sailkatu zen, eta Aloña Mendi Ulma zortzigarren.