"Lasole musikariak hainbat pertsonalitate hartzen ditu bere baitan -haien motxila eta bizipenekin-, baina guztiak Granadakoak; izan ere, Granada eta hango jendea erreferenteak ditu Lasolek bere kantutegian. Orain dela urte gutxi agertokietara igo zenetik ikusmina sortu du Lasolek, eta dagoeneko Natos y Waor, Locoplaya eta Kaze moduko sortzaileekin aritu izan da. Santa Sucia izeneko bigarren disko luzea kaleratu zuen iaz, bere pekatuetan oinarrituta dagoena eta lan honetan parte hartu dute, besteak beste, Pablo Garetak, Sake Thug Prok eta Kassen Fahmik-ek", azaldu dute antolatzaileek.
Datozen asteetako eskaintza
Danele Sarriugarte idazlea eta Miren Narbaiza Mice abeslaria izango dira maiatzaren 16an lekukoa hartuko dutenak: Poperra, afterra eta Utopia izeneko ikuskizuna eskainiko dute. Maiatzaren 9an San Pankrazio eguna izanik ez dela eskaintzarik izango adierazi dute Kooltur Ostegunetako bultzatzaileek.
Bukatzeko, Lisabö
Maiatzaren 23an, Arrasaten hainbat alditan izan diren Lie Detectors gipuzkoarrak izango dira protagonista, eta, eskaintza borobiltzeko, eskarmentu handiko Lisabö zazpikotea gonbidatu dute maiatzaren 30erako. Emanaldi guztiak 22:00etan izango dira, eta sarrerak, zazpi eurotan.
