Gaur, martitzena, 12-16 urte arteko seme-alaben gurasoei bideratutako saioa izango da; maiatzaren 7an, berriz, 0-5 urte arteko seme-alaben gurasoei begirakoa eta maiatzaren 14an, azkenik, 6-12 urte arteko seme-alabak dituzten gurasoentzako saioa.
Hiru saioak Kulturateko areto nagusian izango dira, 18:00etan, eta horien helburua da argitzea, Arrasateko Udal Sexologia Zerbitzuko profesionalekin, gurasoek izan ditzaketen zalantzak.
Hala, gorputzaren inguruko onarpena eta genero estereotipoen eragina landuko dituzte. Seme-alaba txikiak dituzten gurasoen saioan, seme-alaben hitza eta autonomia errespetatzea eta maitasunaren azalpena helarazteaz ere hitz egingo dute, eta seme-alaba nagusiagoak dituztenekin, sare sozialetan dauden pertsonaien eragina eta pornografiaren sarbidea ere izango dute hizpide.