Topa bi konpainiako lau interpretatzaileren batura da. Brodas Bros Kataluniako urban dance taldearekin elkartu da Kukai, eta euskal dantza tradizionalaren lengoaiarekin batu dute haien jarduera. Kaleko lan bizi eta energetiko horrek ikusleak liluratu ditu.
Udazabal 17 ekimenaren baitan, Topa ikuskizunak lau interpretatzaileren batura proposatzen du. Hala bada, nork bere jatorri artistikoei uko egin gabe, talde bizi eta kementsu batean elkartuko dira, elkarrenganako ezagutzaren bidez interpretatzaileak aberastu ahal izan daitezen.
Kaleko adierazpen garaikideak Zaldibarko pilotalekua oholtza bihurtu du, artearen edukiontzi; eta bertaratu direnak ikusle baino, bi estilo ezberdin horien elkarrizketaren lekuko izan dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
