goiena.eus

Hamaika posturekin osatuko da uztaileko baserritarren azoka

  Gizartea  Arrasate

Zapatu goizean egingo da Seber Altube baserritarren azokaren uztaileko edizioa. Oraingoan, aipagarria da ez dela ekintza osagarririk egingo. "Beti saiatzen gara, tailer edo bestelakoekin azoka erakargarriagoa bihurtzen, baina oraingo honetan ez da posible izan" adierazi Nerea Lazpiur garapen iraunkorreko teknikariak.

Seber Altubera hurbiltzen direnek hamaika postu izango dituzte, non sasoiko produktuak, kontserbak, okela ekologikoak, egurrezko tresnak eta orturako makinaria egongo diren salgai.

Sasoiko produktuen artean hauek nabarmendu ditu Lazpiurrek: kalabazinak, lekak, Gernikako piperrak, berenjenak, zerbak, pepinoak eta erremolatxa.

Azkenik aipatzea irailera arte ez dela azokarik izango, abuztuan ez baitute egingo.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa