Kamioi bat auto ilarak sortzen ari da Muzibarreko biribilgunean

Kanpazartik behera etorritako kamioi bat gelditu da trabatuta Zarugalde kalea, Otalora Lizentziaduna kalea eta Bizkaia etorbidea elkartzen diren biribilgunean eta auto ilarak sortzen ari da Arrasateko kaleetan zehar. Udaltzainak bertan dira eta txandaka autoei pasoa emanez trafikoa bideratzen ari dira arazoa konpondu bitartean. Beraz, pazientzia eskatzen zaie bertatik pasatu behar diren gidariei, eta beste bide batzuk erabiltzea gomendatzen da Arrasate gurutzatzeko.