Jende ugari gerturatu da Seber Altube plazara Kulturateko pintura ikastaroaren ikasleak urtean zehar eginiko lanak ikusteko. Mota guztietako pinturak izan dira ikusgai: akrilikoak, olioak, abstraktuak ... "Margolari bakoitzak bere erara egin ditu lanak, euren gustuetara moldatzen direnak, hain zuzen", esan du ikastaroaren irakasle Amaia Bengoak.
Kalea ere girotzen dutela esan du Bengoak: "Margolan guzti hauekin, kalea girotzea lortu dugu eta jende asko gerturatu da; erakusketak harrera oso ona izan du ", azpimarratu du irakasleak. Erakusketa hiru orduz egon da ikusgai, arratsaldeko 17:00ak eta 20:00ak bitartean, hain zuzen, eta guztira, 60 margolan erakutsi dira.
