2017/05/20 17:00

Amaia Antzokia | Arrasate

goiena.eus

'Burbujas de papel' ikuskizuna Amaia antzokian bihar

  Kultura  Arrasate

Ikuskizun poetikoa eta bisuala da Kataluniako Mucab Dans dantza konpainiak bihar, zapatua, 17:00etan eskainiko duena.

Burbuilez betetako munduan zehar bidaia bat egitea proposatuko dute taularen gainean izango diren Irina Martinezek eta Joan Laportak. "Dantzarekin, antzerkiarekin, zuzeneko musikarekin eta ikus-entzunezkoekin  jolasten dugu kaleko musikari baten istorioa kontatzeko", azaldu du Laportak.
Familia giroan gozatzeko moduko lana da. "3 urtetik gorakoentzako pentsatuta dago, baina, paraleloki, haur horiekin doazen helduentzako ere aproposa da. Orain arte 200 emanalditik gora egin ditugu, eta hori da sumatu duguna".

Sarrerak bost eurotan eskura daitezke Amaia antzokiko leihatilan eta on line ere bai, Arrasate.eus atarian.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa