goiena.eus

Enpresa batzordea desegitearen alde egin dute Iturbideko erizainek

  Ekonomia  Arrasate

Atzo egin zuten enpresa batzordea desegiteko deitutako batzarra, eta langileen gehiengoak horren alde bozkatu zuen. 53 langiletik 47k parte hartu zuten, eta horietatik 29 aldekoa botoa eman zuten, 14k aurkakoa eta lauk zurian bozkatu zuten. Batzarra normaltasunez egin zen, eta laster hauteskunde sindikalak egingo dituzte.

Enpresa batzordeak atzoko batzarraren aurretik euren egutegia bozkatzeko akordio printzipio bat lortu zuela jakinarazi zuen. Maiatzaren 8an alkatearekin, gizarte ongizate zinegotziarekin eta Iturbideko zuzendaritzarekin batzartu ostean lortutako akordio zela azaldu zuten, eta ostean udal gobernutik oharra helarazi zuten hori gezurra zela esanez.

Batzar hori aurreko astean egitea zen enpresa batzordearen asmoa, baina azkenean ez da batzar hori egin. "Enpresa batzordea desegiteko bozketa baino lehen egitea nahasgarria izan zitekeen, eta erabaki dugu hauteskunde berrien ostean egitea".

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa