goiena.eus

Sanchezen aldeko Gipuzkoako plataformak ekitaldia egin du Arrasaten

  Gizartea  Arrasate

Alderdi Sozialistaren zuzendaritzarako Pedro Sanchezen hautagaitza babestu dute Arrasateko Elma jatetxean atzo egindako ekitaldian.

Laura del Curak, Bixen Itxasok eta Jorge Letamendiak hartu zuten hitza ekitaldian eta helburua, besteak beste, "Euskadin Patxi Lopezek baino boto gehiago lortzea" dela jakinarazi zuten. Zentzu horretan pozik azaldu ziren, Sanchezek abalen %27,5 lortu dituelako erkidegoan. "Euskadiko Alderdi Sozialistaren zuzendaritzako inolako laguntza barik", azpimarratu zuten.

Sanchezen aldeko Gipuzkoako plataformak gaineratu zuen, bozka baliagarria Sanchezen aldekoa dela eta ezusteko handi eta desatsegina izan dela Susana Diaz eta Patxi Lopezendako Pedro Sanchezek horrenbeste abal lortu izana.

Bestetik, Arrasateko PSE-EEko afiliatuak haserre azaldu ziren; euren esanetan, Arrasateko Alderdi Sozialistak ez baitu ekitaldiaren berri eman bere kideen artean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa