goiena.eus

20 emakume inguru Arrasaten, islamofobiaren kontrako tailerrean

  Gizartea  Arrasate

SOS Arrazakeriak, Arrasateko udalak eta Emakume Txokoak elkarlanean antolatu dute prestakuntza saioa eta antolatzaileak "oso gustura" gelditu dira goizak eman duenarekin. 20 bat emakume batu dira prestakuntza saiora, "gehienak musulmanak, baina baita bertako jendea ere".

Herriz herri ari dira saioak egiten eta gaur Arrasaten egin dute. Maya Amranek gidatu du eta emakume eta musulman izateagatik sufritu dezaketen diskriminazioaz hausnarketa egitea zen asmoa. "Diskriminazio hori identifikatzea, argitara ateratzea eta horri aurre egiteko tresnak ematea", adierazi dute antolatzaileek. Arrasateko saioaz galdetuta emankorra izan dela adierazi dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa