goiena.eus

Herritarrekin batera ospatuko dute Kanpanzar ART-ekoek mailaz igo izana

  Kirola  Arrasate

Joan den astean, Mungian, lortu zuen ligako txapeldun izatea Kanpanzar Arrasatek eta lorpen hori zaleekin eta herritarrekin ospatu gura dute orain. Kamioian egingo dute ibilbidea jokalariek, bihar, zapatua, 18:30ean hasita.

Herritarrekin batera ospatuko dute Kanpanzar ART-ekoek mailaz igo izana
Kanpazar ART-eko jokalariak Mungian. | Ikusi handiago | Argazki originala

Beteranoek jokatuko duten partiduarekin ekingo diote egitarauari; 16:00etan da, Mojategin, eta etxekoak animatzera joan daitezen eskatu diete zaleei. Bukatutakoan, txikiteoa egingo dute Musakolan.

Txapeldunek 18:30ean hasiko dute ibilbidea kamioian, eta 19:30ak bitartean herriko kaleetan ibiliko dira. Ondoren, 21:00ak aldera Zabaletan elkartuko dira afaltzeko.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa