Fagor Arrasatek hirurogei urte betetzen ditu aurten, eta urteurrena ospatzen hasteko modu ezin hobea izan da gaurkoa: Volkswagen taldearen Bartzelonako fabrikan instalatuko den prentsa aurreratu baten aurkezpena. Bertan izan dira, besteak beste, Ekonomia garapen eta lehiakortasun diputatu Arantza Tapia, Gipuzkoako ahaldun nagusi Markel Olano eta Ekonomia Sustapeneko diputatu Ainhoa Aizpuru, Arrasateko alkate Maria Ubarretxena, Mondragon Korporazioko presidente Iñigo Uzin eta Fagor Arrasateko gerente Jose Mari Baltzategi.
Europan instalatzen den abiadura handiko lehen lerro hibrido serbo-konbentzionala da gaur Fagor Arrasatek aurkeztu duena. Guztiz automatizatua da, eta bere ezaugarri nagusia da, aurrerapauso handia dela produktibitaterako prestazioetan. Lerro hori, teknikoki, Fagor Arrasateren emaitza onena da. Proiektua Seat-en Martorell-eko lantegian instalatuko dute aurten. Seat-ek, batez ere, Audi A bat autoaren panelak fabrikatzeko erabiliko du lerroa.
Ordezkari politikoek txalotu dute ere, Fagor Arrasateren enpresa-traktore izaera, beste enpresa txikiago batzuei lana emanez.
Hornitzaileekin ez ezik, ikerketa eta garapen sektorearekin Fagor Arrasatek duen harremana azpimarratu dute.
Gaur aurkeztu duen prentsak duen diseinuarekin, Fagor Arrasatek lortu du inbertsioaren kostua ahalik eta gehien optimizatzea; eta hori gakoa izan zen Seat-ek Fagor Arrasate aukeratzeko.
