Asteburu honetan, irailaren 15 eta 16an, denboraldiaurreko hitzordu berezia dauka Ford Mugarri Eskubaloi Taldeak aurretik. Izan ere, aurten zortzigarren aldiz herriko eskubaloi taldearen entrenatzaile izan zen Jesus Maria Herrero, Pitxiren oroimenezko jardunaldia egingo dute Arrasateko Iturripeko Kiroldegian.
Lau talde norgehiagokan
Lau taldek hartuko dute parte Pitxi Herreroren oroimenezkoan. Zapatuan 17:00etan hasita, lehenengo finalaurrekoa jokatuko dute 1.go nazional mailako Eibar Eskubaloia eta Trapagaran taldeek. Jarraian izango da bigarren finalerdia; Euskadiko Txapelketan lehiatzen diren Ford Mugarri Arrasate eta Gure Auzune gasteiztarren txanda izango da 18:30etik aurrera.
Domekan jarraituko du Pitxiren omenezko hitzorduak; 3. eta 4. postuak zeinentzat izango diren erabakiko den partiduari hasiera emango zaio 11:00etan. Eta 12:30ean berriz, finala jokatuko da Iturripeko kantxan.