Ekainaren 4an, astelehena, jarriko dute martxan egitaraua: San Juanetako danborradarako entsegua egingo dute 10:00etan; eta barreterapia tailerra izango dute arratsaldean, 17:15ean, Bizitzen Fundazioaren eskutik.
5ean ere goiz eta arratsalde izango dituzte ekintzak: diana txapelketa, 10:00etan; eta Mexikoko abestien errezitaldia, 17:00etan, Alaitzen taldearen eskutik.
Ospakizunen erdibidera ailegatuta, eguaztenean, ekainak 6, Logroñora joango dira, egun pasa.
Ekainaren 7an, eguena, Iturbide bertako erizain Jone Santosek hitzaldia eskainiko du Nola bizi hobeto zahartzaroa izenburupean; eta arratsaldean, 17:00etan, Arrasate Musikalen kontzertuaz gozatzeko aukera izango dute.
Eta astea ixteko, barikuan, ekainak 8, bolo txapelketako finala jokatuko dute 10:00etan, eta bingo berezia izango dute 17:00etan, opariekin.