Arrasatearrek ondo ekin zioten partiduari eta lehen hogei minutuetan eurek jarri zuten partiduko erritmoa. Defentsan txukun jardun zuten Orgazen mutilek. Erasoan, baina, zenbait hutsegite egin zituzten: jaurtiketa argietan kale egin zuten eta baita hainbat kontraerasotan ere. Hor egon zen partiduko gakoa, jokalariak oso urduri jarri baitziren eta Portugaleteko mutilek hori ondo aprobetxatu zuten.
Bigarren zatian gaizki
Bigarren zatian ez ziren fin ibili arrasatearrak, erasoan bizkor jokatu zuten, gol azkarraren bila. Azken minutuetan izan zuten irabazteko aukera, bi goleko abantaila zuten-eta. Bi jokalariren kaleratze izan zuten, ordea, eta horrek asko baldintzatu zituen azken minutuak. Aurkariak ondo jakin zuen hutsune hori aprobetxatzen.
Ezin hutsik egin
Orgazen mutilek ezin dute datozen partiduetan hutsik egin, igoera fasean sartu nahi badute. Hurrengo jardunaldian Pilar hartuko dute etxean, sailkapeneko zazpigarrena.