“Jokoz kanpo harrapatu gintuen xaboi tailerrak; bakarra egiteko asmoa genuen, eta ikusita dei kopurua beste bi tailer inprobisatu behar izan ditugu, eta hala eta guztiz ere, jendea kanpoan geratu da”, kontatu du Nerea Arexolaleibak, Bedoña Batu kultura elkarteko ordezkariak.
2011ko egitaraua prestatzen
Gaineratu du dagoeneko 2011rako egitaraua prestatzen dabiltzala kultur elkartekoak. “Gure webgunean (batuelkartea.com) zintzilikatu eta hor emango dugu ikastaro guztien berri. Orain datak, aurrekontuak… kontsultatzen gabiltza, baina asmoa da zapatu goizetan egiteko moduko ikastaroak izatea”.
Iaz 20 ekintza
Iaz, 2010ean, 20 ekintza antolatu zituen Bedoña Batu elkarteak. “Santa Agedan hasten gara, auzoko umeekin kantuan ateratzen (elurrik ez bada), gero Emakumeen Eguneko ekitaldiak antolatzen ditugu, eta hortik aurrera, hitzaldiak, elikadura tailerra… denetik izan genuen iaz”.