Duela urtebete inguru, erretiratutako euskaltzale talde bat SUDCekin elkartu zen elkarte gastronomiko-errekreatiboetan euskararen presentzia areagotzeko plan bat proposatu eta martxan jartzeko helburuarekin. SUDCek oniritzia eman zion proposamenari eta pixkanaka-pixkanaka badoaz euskara sustatzeko plana martxan jartzen.
SUDC elkarteak 150 bazkide ditu eta 25 elkartez dago osatuta, horietatik 18k beraien elkarteetan euskara areagotzeko plana martxan jartzeko konpromisoa azaldu dute, baita elkarteko kide ez den Montxon elkarteak ere.
Helburua: euskaraz hitz egitea
SUDC elkartekoen helburua da hemendik urtebete edo bi urtera Arrasateko elkarte guztietan euskaraz hitz egitea.
Gainera, elkarteetan euskararen erabilerari buruzko neurketa batzuk egin dituzte eta ondorio hauek atera dituzte: bazkideen %70 euskal hiztuna dela, ahozko erabilera %37koa dela eta idatzizkoan %23 moldatzen dela.
2012rako bi helburu nagusi finkatu dituzte: bata ahozko erabilera %37 izatetik %57ra igotzea eta idatzizkoan berriz %23tik %57ra igotzea.