Herriko zein kanpoko hainbat elkartek hartuko dute parte; jaiaren erdigunea Gudarien plaza izango da, bertan izango dira-eta ekitaldi gehientsuenak. Zapatuan 10:00etatik aurrera izango dira artisau eta gastronomia postuak. Jatekoen artean, hemengo eta kanpoko produktuak. Kanpokoen artean Extremadurako, Andaluziako eta Aragoiko jakiak eta Eukal Herriko produktuen artean, berriz, Arabako Larreina Etxaldeak eta Gatzagako Jakion-ek ekartzen dituzten jakiak dastatu ahalko dira. Artisauetan ere, denetarik.
Kultur aniztasunaren alde
Kultura aniztasuna da jaiaren ezaugarrietako bat. Zapatuan, Donostiako Virgen de Guadalupe Extremadurako kideek abestu eta dantzatu egingo dute, 13:00etan. 18:00etan Una clase de Chirigota ikuskizuna egongo da, Al-Andalusekoek antolatuta –Corazon de Encina elkartean–, eta eguna amaitzeko, Azahar talde flamenkoaren ikuskizuna izango da, 19:00etan. Domekan, bestalde, Txikitxu-Arrostaitz dantza taldeak eta Kiliki eta Erraldoien konpartsak emanaldia egingo dute, 12:00etan. Ordu berean Ekinekoak taloak egiten arituko dira eta AEDkoak, aldiz, salda banatzen. Azokarekin amaitzeko, bertso jaialdia: Manex Agirre, Andere Arriolabengoa eta Iñaki Viñaspre bertsotan eta Joxerra Agirreurreta gai-jartzaile. Azkenik, Portaloi taldekoek kantuan egingo dute.