Rafael Ceciaga arrasatearrak 1949an, 14 urterekin, Argentinako bidea hartu behar izan zuen. 1936ko gerraren ondoren aitak erbesteratu beharra izan zuen eta behin Argentinan finkatuta bere familia eraman zuen Buenos Airesera.
Hala ere, Arrasate maite du Rafaelek eta horren adierazle dira "Amets gorrien taupadak" erakusketan ikusgai jarri dituen Arrasateri buruzko maketak. Bereziak dira, botila baten barruan egindakoak. Maketetan Rafael bere ideia politiko ezkertiarrak islatzen saiatu da, nahiz eta Arrasateko irudiekin herriari dion maitasunari gehiago lotu den.
Debagoieneko erbesteratuak
Hala ere, ez da erakusketan ikusgai dagoen gauza bakarra. Intxorta 1937 kultur taldeak antolatuta Debagoienean 1934ko "Oktubrada" nola bizi izan zen ikusteko aukera dago Monterronen.