La Santé espetxeko ihesaldi saiakeragatik hiru urteko espetxe zigorra eta Frantziako Estatuan egoteko debekua jaso du. Hain zuzen ere, prokuradoreak eginiko zigor eskaera baino urte bat gutxiago.
Askatasunak kaleratutako oharraren arabera, "erabakia ezagutzera eman dutenean Igor ez da egon eta tribunalaren lehendakariak adierazi du Igorrek gutun bat bidali duela bere presentzia ukatuz aurrekoetan bezala. Adierazpen hauen harira salatu behar dugu Igor epaiketan ez zela egon espetxean egin nahi izan zioten miaketa degradante eta umillanteari uko egin baitzion. Hori izan zen arrazoia bertan ez egoteko. Hala ere, aurrera egin zuten epaiketarekin."