Parte-hartzaileak:
- Bedoña auzotik: Bidasoro, Etxebarri, Artazubiaga eta Errasti baserriak.
- Gesalibar auzotik: Enuzteko Aldekoa baserria.
- Musakola auzotik: Hegi Handi eta Aranguren baserriak.
- Uribarri auzotik: Urdaixena, Ikutixo, Ibarreta Gorostiza eta Mendigain baserriak.
- Jakion enpresa.
Ekimenaren nondik norakoak.
Arrasateko Udalak 2000 urtean nekazal arloaren egoerari buruzko azterketa lan bat egin zuen. Diagnosi horrek agerian utzi zuen sektorearen gainbehera, eta sustapen ekimenen beharra. Horrela, 2000ko udazkenean azoka bat antolatu zen bailarako baserritarren produktuekin.
Aurten ekimen hau berreskuratu nahi izan dute. Horretarako, Arrasateko Auzo Alkateekin bildu dira antolatzaileak, euren iritzia eta iradokizunak jasotzeko asmoz; baserritarren beharrak gertuagotik ezagutzen baitituzte.
Azokaren helburua:
Arrasateko nekazal sektorea promozionatzea, baserriko lana gainontzeko arrasatearrei erakutsiz eta baserrietan ekoizten den produktua eskainiz. Asmoa da urtero antolatzea azoka hau, udazken aldera.