Agintaldei berriarekin, gazte saileko arduradun berriek ez dute behar bezelako harremana izan Arrasateko hainbat talde ordezkatzen duen Gazte Kontseiluarekin.
Gazteek diote gaur egun udaletxean informazio falta dagoela eta, besteak beste, Gazte Kontseilua Arrasateko gaztetxearekin nahasten dute.
Gaur egun Gazte Kontseilua honako talde hauek osatzen dute: Gaztetxeak, AEDko gazteek, Besaidek, Gizaizpi Alaik, Txatxilipurdik eta Arraska taldeak. Horiek Gazte Kontseiluak osatzen duten taldeak, baina Arrasateko gazte talde guztiei zabalik dago.
Udalak hutsunea onartu
Udaleko Gazte Saileko arduraduna den Joxe Etxeberria zinegotziak ere onartu du orain arteko harremana ez dela nahikoa izan. Etxeberriaren esanetan, bada ordua arlo horri ere behar bezala heltzeko eta lehen erabakiak hartu dituzte dagoeneko. Aitor Sáez de Azkunaga, esate baterako, Gazte Kontseiluak egingo dituen bileretara joango da.
Etxeberria, Gazte Saileko arduradunak ikusten duen beste arazo bat hau da: gazteek kanpora joateko joera dutela aisialdiaz gozatzeko. Horri ere irtenbidea eman nahi dio Udalak.
Buff-ak atzeratu
Santamasetarako, Gazte Kontseiluak bere adierazgarria zeramaten buff-ak atera nahi zituen, datorren urte hasieran egin nahi duen gazte asterako. Baina udalarekin izandako gaizki ulertze bat tarteko, uste baino diru-laguntza txikiagoa izan dute eta datorren urterako utzi behar izan dituzte buff-ak.