Irailaren 7an egingo den Ikazkin Trail mendi lasterketa prestatzeko asmoarekin irteera antolatu du UDAk apirilaren 20rako; 09:30ean abiatuko dira, Herriko Plazatik. Bestetik, maiatzaren 12ko Otala Zelaiko krosari begirako entrenamendu saioa egingo dute apirilaren 21ean, Ibarra kiroldegiko emakumeen korrika taldeak deituta.
Hiru taldetan banatuta egingo dute mendi lasterketa prestatzeko irteera, gidari batek lagun eginda. Parte hartzeko, izena eman behar da, formulategi bat beteta.
Korrika taldekoen entrenamendua
Domekan, ostera, Otala Zelaiko krosa prestatzeko saioa egingo du Ibarra kiroldegiko emakumeen korrika taldeak. Helburua da lasterketaren ibilbidea ezagutzea eta emakumeen artean gozatzea. 09:00etan abiatuko dira kiroldegitik –Azbetik bueltan Otala Zelaira igotzeko– eta 09:30ean ekingo diote ibilbideari Otalako aparkalekutik.
Zailtasun baxuko ibilbidea dela adierazi dute, 8,5 kilometro dituena, eta edozeinek parte har dezakeela gogorarazi: "Emakumea bazara, kirolaz gozatu eta ondo pasatzeko gogoz bazaude igande honetan itxaroten zaitugu. Animatu!".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
