Gipuzkoako txapelketari dagokion jardunaldian 65 lagunek hartu zuten parte eta irabazlea izan zen Juan Luis Rodriguez zortzi txirlo botata. Haren atzetik geratu ziren: Beñat Oñederra (Asola Berri elkartea) sei txirlorekin eta bost txirlo botata Jesus Mari Gorosabel (UDA); Haizea Arrieta (UDA); Boni Plaza (Elgeta) eta Gartzi Gorosabel (UDA).
Uratz Aldeko txapelketa
Uratz Alde elkarteak antolatutako txapelketan, ostera, 37 bolarik jardun zuen nor baino nor gehiago eta irabazlea izan zen Juan Luis Zelaia sei txirlorekin. Haren atzetik geratu ziren Sebas Aranzabal eta Javier Urkidi bost txirlo botata, eta Julen Uranga eta Felipe Izagirre laurekin. Elkarteko bazkide onena, bestetik, Unai Errasti izan zen eta txerri-besoa hark jaso zuen.
Antolatzaileak pozik dira txapelketek emandakoarekin: "Giro ederra egon zen, bai eguraldiari dagokionez, bai bolarien artean. Horregatik, gustura geratu gara parte-hartzea kopuruari zein sortutako giroari dagokionez".